" يــُــــمّــــه آســـمــــج لـَــــحـــــن " بقلمي

من طرف nour zakko الأحد 31 مايو 2009 - 14:36

هلو آل كلو شلووووووووووونكم
هالقصيدة كتبتها لامي الغالية الله يرحمها

بعنوان
" يــُــــمّــــه آســـمــــج لـَــــحـــــن "

يُمّه أسمج لَحنْ، معزوف بأحلى كِيتاره

وحبّج جمر بالكَلبْ، ماتنطفي ناره

شما بردت الدنيا يظل، حضنج اليعلى بحرارة

يلّي صبّرتي وتعَبتي وشلتي لهموم ومرارة

سهَرتي ويّانا الليالي، والكمر تشهد أنواره

أحس بعدج طبع كلبي، طبعة الصبر ومرارة

جنت فانوس الليالي، يضوي من فوك المنارة

يمّه أسمج لَحن، عزفته بأحلى كِيتـاره

مَعَزتج أنزرعَت ابكلبي، كبرت وعرفت أسراره

حضنج، رَياحين ومَراجيح وزرع، خضّر خْضاره

يـُـمّه يامركب حياتي، يا بحر، ما نعرف قراره

طيفج ينّور دروبي، وكليبي .. مَسكنه وداره

انتِ ملاكي، شمسي، كمري .. يا نجمة دوّاره

أنت بدري وهلالي، انتِ عمري، بليله ونهاره

انتِ عمري كلّه، بليله ونهاره

يُمّه أسمج لَحنْ، معزوف بأحلى كِيتاره

من طرف tooomy الإثنين 1 يونيو 2009 - 0:05

عاشت ايدج يا احلى نور الكلمات كلش حلوة ومؤثره والله يرحم امج الغاليه على قلوبنا بوجهها الجميل الرائع
وبحق وين ما رحنا واجينا ما نشوف مثل حنانها ابدا والله يحفظج والرب يسوع ينور دربج
عمه عايده &ام مارتن

شكراً يا أحلى عمة عايدة بالدنيا شكراً على كلماتج الرقيقة ومرورج الرائع بين اسطري البسيطة ربي يسوع يحفظج
وينطيج الصحة والعافية
سلامي لمارتن وسندورة وتومي
flower

عاشت ايدج يا وردتنا على هاي الكلمات الرائعة عن الام والي كتبتيها اكيد من قلبج وياريت نوفي بهاي الكلمات جزء من تعب الام علينا

" يــُــــمّــــه آســـمــــج لـَــــحـــــن " بقلمي

" يــُــــمّــــه آســـمــــج لـَــــحـــــن " بقلمي

رد: " يــُــــمّــــه آســـمــــج لـَــــحـــــن " بقلمي

رد: " يــُــــمّــــه آســـمــــج لـَــــحـــــن " بقلمي

رد: " يــُــــمّــــه آســـمــــج لـَــــحـــــن " بقلمي