هنا ستجد اسباب خروج المنتخب العراقي من كاس الخليج

السلام عليكم

لقاء مع عدد من لاعبين المنتخب ومعرفة اهم اسباب خروج المنتخب بالصوره الهزيله من كأس العالم اهوو قصدي كأس الخليج .. وشي طبيعي تتعدد الاسباب
فسألنا اول لاعب عراقي وهو :
هيثم كاظم :
س/ لماذا ياهيثم أندفعت على ألأعب البحريني بهذا القوه ومع العلم أنت أخذت بطاقه صفراء قبل خمس دقائق وتعلم ان بعد هذا الأندفاع الطرد مباشراً هل كنت متعمد ؟
هيثم كاظم: ج/ لاوالله اني ممتعمد بس جنت مندفع على الاعب البحريني بكل سرعه عندي ففكس ألابريكــ عندي (لهل المنصور يعني تعطلت المكابح ) فردت أوكف ماكدرت كمت أصيح نازل يمعود نازل راس شارع جا شلون أرجع بتكسي بس ماكو فايده مكدرت أوكف وصطدمت بل لاعب البحريني وصار ألي صار

رحنه بعد ماسمعنه حجة هيثم رحنه سألنه الاعب يونس

يونس محمود
سألنه شنو أسباب الخساره بما أنو انت كابتن الفريق فأكيد عندك سبب مقنع
يونس محمود:ج/ كال.. والله شوفو مراح أكللكم الكاع عوجه والحكم هندي لأن صارت هاي الحجه قديمه
بس بما أنو أحنه أبطال أسيا وهاي الفرق سهله فأتفقنه ويه البحرينين بأن نتحداهم ونلعب وياهم بتسع لاعبين ونطيهم 3 كوله طرح ونغلبهم بس همه صارو ألواته يعني كلاوجيه وضحكو علينه وجابو الكول الثالث بأخر الوكت وحنه ملحكنه نكول لأن خلصت اللعبه رأسن
وويه لعمانين كلنه خلي أنغير خطة ألأتفاق بأن نلعب وياهم بعشر لاعبين ونطيهم أربع كوله طرح بس هم ضحكو علينه وكولو الرابع بل أخير وملحكنه بس أن شالله انعوض ويه الكويتين بأن نلعب بثمن لواعيب ونطيهم بس كولين
فييرا
رحنه سألنه المدرب فيير عن أسباب الهزيمه
فييرا :ج/ كلردكيوكين لاكورقيبكربمريكا سوبانو سكريدو سومبو (كلنه أهو هذا خطيه كاعد يسب بل لواعيب خل نفلت هع )

رحنه سألنه الحارس محمد كاصد

محمد كاصد
س/ شعجب يامحمد دخلن بكولك ست أهداف من أصل سبع أهداف بمبارتين وأحنه نعرف انت حارس كبير وألك تاريخك بل أولمبي
جاوب بعصبيه
محمد كاصد :ج/ أهوووووووووو والله يالعراقيين متصيرلك جاره ياهو الجاي يكولي شعجب الجماعه موكليك ست أكوله يعني معقوله انتو نسيتو بأن أحنه بشهر محرم وبشهر الفضيله فقررت أوزع ثواب بطريقتي الخاصه خخخخخخ

رحنه سألنه علي رحيمه

علي رحيمه
فكلناله علاوي صدك ألعبه بايعيها فردنه رأسن كال خلي يولن خخخخخ شلون رد دمبلوماسي فدوه فديته

رحنه عاد سألنه النجم نشات أكرم

نشات أكرم
كال احنه عودنه الجماهير العراقيه بأن نحصد أللقاب بل بطولات والحمد الله حصلنه على أربع ألقاب
1- حصلنه على لقب أول فريق يسجل في مرماه
2-حصلنه على لقب أول لاعب ينطرد من البطوله
3-حصلنه على لقب أول حارس مرما ينطرد بل بطوله
4وحصلنه على لقب أول فريق يغادر البطوله خخخخخخخخ بعد شتريدون